Публикации » Çывхарать ялхуçалăх çыравĕ

17 июня 2016 г.

ПĔТĔМ РАÇÇЕЙРИ ялхуçалăх çыравĕ пуçланиччен шутлă кунсем юлчĕç. Июнĕн 9-мĕшĕнче Чăваш Енри пур районта та инструкторсем ĕçе пуçăнчĕç. Район администрацийĕнче вĕсем валли вĕренỹ йĕркелерĕмĕр. Июнĕн 16-мĕшĕнче вара ялхуçалăх предприятийĕсемпе предприятисем çумĕнчи хушма хуçалăх представителĕсен вĕренĕвĕ иртрĕ. Çавăн пекех çак уйăхăн 19-23-мĕшĕсенче çыравçăсем те вĕренеççĕ. Юлнă кунсенче халăх хушшинчи информаципе ăнлантару ĕçне вăйлатрăмăр. Районти Акатуй уявĕнче вара 100 тата 800 метра çуран чупса мала тухассишĕн ăмăрту йĕркелерĕмĕр, ăна Пĕтĕм Раççейри ялхуçалăх çыравне халалларăмăр. Ăмăртура 800 метра чупса спорт ветеранĕ Вячеслав Дмитриев тата Михаил Ефимов вĕренекен, 100 метра чупса Ангелина Ефимова шкул ачи çĕнтерỹçĕ пулса тăчĕç. Чупура мала тухнисене Дипломпа тата парнепе хавхалантартăмăр.

Л.ВАШУРКИНА, районти çырав енĕпе ĕçлекен уполномоченнăй.