Публикации » Кивĕ сăнỹкерчĕк аса илтерет

26 июля 2016 г.

ÇАК сăнỹкерчĕке 1939 çулхи апрелĕн 15-мĕшĕнче тунă. Сăнỹкерчĕкри çамрăксем _ Шăмăршăри МТС çумĕнчи трактористсем хатĕрлекен курсран вĕренсе тухнисем. Пĕрремĕш кăларăма уявлама хуткупăспах килнĕ. Тепĕр темиçе кунтан йĕкĕтсемпе хĕрсем трактор çине ларса çурхи ака-суха ĕçĕсене хутшăннă. Тăван çĕршывăн Аслă вăрçи пуçлансан йĕкĕтсем пурте тенĕ пекех фронта тухса кайнă. Хĕрсем вара тракторпа колхоз хирĕсенче ĕçленĕ, Çĕнтерĕве çывăхартнă. Тен, сăнỹкерчĕкри çынсене кам та пулин палласа илĕ? Тем пекех савăннă пулăттăм мана пĕлтерсен. Редакцие çырса е шăнкăравласа пĕлтерсен те тав сăмахĕ калăттăм. Хамăрăн историе манма юрамасть.

М.ЗАХАРОВ, таврапĕлỹçĕ. Шăмăршă ялĕ.