Публикации » Республика малтисен йышĕнче

29 июля 2016 г.

ЖКХ тытăмне инвестицисем явăçтарма хатĕр регионсен рейтингĕнче _ ăна Раççей Стройминĕ хатĕрленĕ _ 2016 çулхи иккĕмĕш кварталта Чулхула облаçĕ лидер пулса тăнă, иккĕмĕш вырăнта _ Вологда облаçĕ. Виççĕмĕшĕнче _ Хакасси, унтан _ Мускав, Ямал-Ненец округĕ тата Чăваш Республики. Иккĕмĕш квартал кăтартăвĕсемпе рейтинг пуçламăшĕнче вырнаçнă ултă регион виçĕ уйăх маларах та ертсе пыракан йышрах пулнă. Коммуналлă инфратытăма уйрăм капиталсен шучĕпе юсаса çĕнетесси _ пĕлтерĕшлĕ тĕллев. Çĕршывра пĕтĕмĕшле инвестици хастарлăхĕ чакса пынине пăхмасăр, Раççей Стройминĕ субъект- семпе килĕштерсе ĕçленĕрен, инвесторсем асăннă отрасльпе кăсăкланассине сыхласа хăварма май килнĕ.