Публикации » Автоинспекци уçă çул панă

19 августа 2016 г.

ÇАК кунсенче районти шкул автобусĕсене хăрушсăрлăх правилисене пăхăнса тăрас енĕпе тĕрĕсленĕ.Питех те кăмăллă: ку енĕпе 7 автобус та техосмотр витĕр тухнă, «шкул» стандарчĕ ыйтнине тивĕçтернĕ. Çапла вара, шкул ачисене турттаракан транспорт çĕнĕ вĕренỹ çулне кĕтсе илме паянах хатĕр. Техника тĕрĕслевне Раççей Федерацийĕн МВД ГИББД «Батыревский» уйрăмĕн ертỹçи А.Петров тата ГИБДД инспекторĕ Д.Кудряшов ирттернĕ. Вĕсем пур шкул автобусĕнче те креслăсене ременьпе, алăксене блокировкăпа çыхăнтарнине, шкул сумккисене хума стеллажсем пуррине çирĕплетнĕ. Сăмах май, кăçал районти шкул автобусĕсем 15 ялтан 252 ачана шкула леçсе ярса кĕтсе илĕç. Автобусра шкул ачисемпе пĕрле педагог та пулать. Вăл ачасене автобуспа ларса çỹренĕ чухне мĕнле хăрушсăрлăх правилисене пăхăнмалли çинчен аса илтерсех тăрĕ.