19 августа 2016 г.
КАМ мĕнле тĕне ĕненет _ кашнин хăйĕн ирĕкĕ. Пирĕн районтах мăссăльмансем те пур. Палтиелĕнчи тутарсем хăйсен мечĕтне 110 çул каяллах туса лартнă. Ку _ хăйне евĕр пулăм; халăхăн йăли-йĕркине тытса пыни.Çак кунсенче палтиелсем ялти мечĕтĕн юбилейне паллă турĕç. Çак ятпа вĕсене район администрацийĕн пуçлăхĕ В.Денисов, Чăваш Республикин Патшалăх Канашĕн депутачĕ О.Мешков, Альбир хазрат Крганов муфтий, Чăваш Республикин культура, национальноç ĕçĕсен министрĕн çумĕ В.Оринов, «Единая Россия» партин районти уйрăмĕн секретарĕ В.Фадеев, район администрацийĕн пуçлăхĕн çумĕ В.Петьков саламларĕç. Тĕнпе тĕн хушшинче хирĕçỹсем пулмалла мар. Çакă пирĕн районта та тĕп вырăн йышăнать. Альбир Крганов муфтий каланă тăрăх, халăхăн ăс-хакăл шайĕ ỹссе пыни çынсен хушшинчи çыхăнусене лайăхлатма май парать. Палтиелсем вара ырă йăласене упрама пĕлеççĕ. Çакă мечĕт уявĕнче те лайăх палăрчĕ. Юбилей ячĕпе йĕркеленĕ мероприяти ятарлă кĕлĕ ирттернипе вĕçленчĕ.
М.ЮМАНОВА.