19 августа 2016 г.
КĂÇАЛХИ август уйăхĕн 12-14-мĕшĕсенче Шăмăршă районĕнче «Ỹсĕр водитель» профилактика мероприятийĕ ирттернĕ _ çул-йĕр правилисене пăснă 21 тĕслĕхе тупса палăртнă, руль умне ỹсĕрле ларнă пĕр водителе тытса чарнă.Çул-йĕр правилисене пăснăшăн РФ КоАПăн 20.25 стайипе килĕшỹллĕн, вĕсен халĕ штраф тỹлеме тивет. Кун çинчен тĕплĕнрех Раççей ШĔМĕн Патшалăх автоинспекцийĕн Интернет-сайтĕнче (www.gibdd.ru) тата патшалăхăн Пĕрлĕхлĕ порталĕнче (www.gosuslugi.ru) пĕлме пулать. Аса илтеретпĕр: штрафа административлă майпа явап тытакансен çакăн çинчен калакан постановлени тухнă хыççăн 60 кун иртиччен тỹлемелле. Унсăрăн штраф вăхăтра тỹлеменнисем тепĕр хут айăпланаççĕ _ хальхинче административлă штраф икĕ хут пысăкрах пулĕ _ пин тенкĕрен кая мар. Çавăнпа та административлă штраф çине алă сулма кирлĕ мар, çийĕнчех тỹлесе татас пулать. Патшалăх умĕнчи парăмсем çинчен çỹлерех кăтартнă адрессем тăрăх кашнинех пĕлсе тăмалла. Пĕлнипе кăна мар, парăмсене çийĕнчех тỹлесе татма тăрăшмалла. Пуриншĕн те лайăх пулĕ. Чи кирли _ йĕркене пăсмалла мар. Вĕсене çирĕп пăхăнмалла.
Г.ИВАНОВА, ГИБДДăн районти уйрăмĕн инспекторĕ.