20 сентября 2016 г.
ХАÇАТĂН иртнĕ номерĕ нче эпир районти ялхуçалăх предприятийĕ- сен ертỹçисемпе фермерсен Палтиел ял тăрăхĕн- че ирттернĕ тĕлпулăвĕ çинчен пĕлтернĕччĕ. Уçă калаçăва Чăваш Республикин ялхуçалăх министрĕн заместителĕ Константин Никитин тата район администрацийĕн пуçлăхĕ Владимир Денисов хутшăннă. Итлесе пăхар-ха тĕлпулăва хутшăннисен сăмахĕсене:
Юрий СТАРШОВ, «Исток» ООО генеральнăй директорĕ:
- Районти ялхуçалăхне хумхан- таракан чи çивĕч ыйту, ман шутпа, кадрсем çитменни. Лайăх специалист халĕ ылтăн пек хаклă. Чăваш ялхуçалăх академийĕпе Çĕрпỹри ялхуçалăх техникумĕ хатĕр- лекен кадрсем района килмеççĕ. Ман шутпа, бюджет укçипе вĕренсе тухнă çамрăксене ялхуçалăхĕнче ĕçлеттерес ыйтăва татса памаллах. Кунта тепĕр çивĕч ыйту та сиксе тухать. Эпир сĕнекен шалупа вĕсем ĕçлеме килĕшĕç-ши? Çак укçапа çурт лартма мар, хваттер укçи тỹлеме те май çук. Яла килекен специалистсене республикăн ятарлă програм- мисене йышăнса пулăшмалла тесе шутлатăп. Республика программипе килĕшỹллĕн пурăнмалли вырăнпа тивĕçтермесĕр эпир кадрсене ялта çирĕплетсе хăвараймăпăр. Çамрăк- сене яла пĕремĕкпе илĕртеймĕпĕр, килсен те пысăкрах укçа шыраса Мускава е урăх çĕре тухса кайĕç.
Петр ПИРОГОВ, выльăх-чĕрлĕх чирĕсене хирĕç кĕрешекен районти станци пуçлăхĕ:
- Мана та кадрсен ыйтăвĕ хытă пăшăрхантарать. Яла инженерсем, механизаторсем, ветеринарсем кирлĕ, анчах вĕсене ăçта шыраса тупмалла-ха? Ветеринарсем çитмен- нипех выльăх-чĕрлĕхе çийĕнчех сиплеме ĕлкĕ- рейместпĕр. Çакă чир-чĕр сарăласси патне те илсе çитерме пултарать.
Константин НИКИТИН, Чăваш Республикин ялхуçалăх министрĕн заместителĕ:
- Тĕлпулура хускатнă ыйтусем питĕ пысăк пĕлтерĕшлĕ, вĕсене республика ертỹçисем патне çитерме шантаратăп. Çак ыйтусене татса парас тĕлĕшпе республикăпа район ертỹçисен пĕрле çыхăнса ĕçлемелле тесе шутлатăп. Ял валли кадрсем хатĕрлеме шкул сакки çинченех пуçламалла. Арçын ачасем техника патне, хĕрачасем выльăх-чĕрлĕх патне туртăнччĕр. Çĕр çинче ĕçлеме хăнăхтармалла. Ял ачи хирте ỹсекен тулăпа ыраша уйăрса илейменни мана хытă пăшăрхантарать.
Владимир ДЕНИСОВ, район администрацийĕн пуçлăхĕ:
- Фермерсен çивĕч ыйтăвĕсем уйрăмах хумхантараççĕ. Вĕсем ял пурăнтăр, çĕрсем акăнччĕр тесе питĕ пысăк вăй хураççĕ вĕт-ха. Пĕчĕк тата аякри ялти фермер хуçалăхĕ çынсене те ĕçпе тивĕçтерет. Çавăнпа та фер- мерсене аталанма тата йĕркеллĕ ĕçлесе пыма пулăшмаллах тесе шутлатăп.
Владимир АЛЕКСЕЕВ, район администрацийĕн ялхуçалăхĕпе экологи пайĕн пуçлăхĕ:
- Хуçалăхсенче мăйракаллă шултра выльăхсен, уйрăмах сăва- кан ĕнесен йышне ỹстерме тăрăш- малла. Сĕт вăл - куллен кĕрекен укçа, экономикăна çирĕплетмелли çăлкуçсенчен пĕри. Сĕт нумай антаракан таса ăратлă ĕнесем ĕрчетмелле пирĕн. Çамрăк выльăхсемпе уйрăмах тимлĕ пулмалла. Ăратлăха лайăхлатмасăр продукци илессине ỹ стереймĕпĕр.
Николай ВАЗАНОВ, район администрацийĕн ялхуçалăхĕпе экологи пайĕн тĕп специалисчĕ:
- 2016-2017 çулсенчи хĕл кунĕ- сем валли районта кашни условнăй пуç выльăха çитерме 22,7 центнер апат единици, çав шутра 1894 тонна утă, 1255 тонна улăм, 2100 тонна сенаж, 2000 тонна силос, 1234 тонна тырă фуражĕ хатĕрленĕ. Районта 18 фермăран 12-ĕшĕнче витесене хĕле хатĕрлесе çитернĕ. Çак ĕç малалла пырать.
Вадим СЕВРЮГИН, район администрацийĕн ялхуçалăхĕпе экологи пайĕн тĕп специалисчĕ:
- Районта тата 613 гектар хĕвелçаврăнăш, 420 гектар сахăр чĕкĕнтĕрĕ, 120 гектар силослăх кук- курус, 34 гектар çĕрулми тата 36 гек- тар вăрлăхлăх люцерна пуçтарса кĕртмелли юлнă. Çанталăк уярт- санах пĕтĕм вăя уй-хир ĕçĕсене çухатусем тумасăр вĕçлесси çине хумалла. Эпĕ çĕр ĕçченĕсене кĕрхи çĕртме сухи тумалли пирки те тепĕр хут каласшăн. Çитес çул тухăçлă ялхуçалăх культурисем çитĕнтерес тесе, çĕре сухаласа хăвармаллах. Çуркунне çиелтен сỹрелеттернипе тухăçлă пулаймăпăр.