Публикации » Çутçанталăка чунтан савсассăн…

16 сентября 2016 г.

Çитес вырсарникун пирĕн çĕршывра Вăрман ĕçченĕн кунне паллă тăваççĕ. «Чăваш вăрманĕ» наци паркĕн ĕçченĕсем уява çутçанталăк ытамĕнче ирттерчĕç. «Çăкалăх çĕршывĕ» кану вырăнĕнче наци паркĕн сотрудникĕсен адресĕпе тав сăмахĕ нумай пулчĕ. Наци паркĕн директорĕ Ю.Татарских çутçанталăк хуралĕнче сыхă тăнăшăн пурне те чĕререн тав турĕ, професси тивĕçне тỹрĕ кăмăлтан пурнăçласа пынăшăн нумайăшне Тав çырăвĕпе тата Хисеп грамотипе чысларĕ. Пăчăрлă Пашьел тата Баскак лесничествисенче патшалăх инспекторĕнче ĕçлекен А.Валеева, А.Маркелова тата В.Котмакова Раççей Федерацийĕн Çутçанталăк ресурсĕсемпе экологи министерствин Хисеп грамотипе, патшалăхăн аслă инспекторне Ю.Степанова район администрацийĕн Хисеп грамотипе наградăланă. Уяв юрă-ташăсăр мĕнле ирттĕр-ха? Шăмăршăри Культура Керменĕнче ĕçлекенсен вăйĕпе лартнă концерт пурне те килĕшрĕ.

Н.ИГНАТЬЕВА.