Публикации » Хура кăрăç, шур кăмпа…

30 сентября 2016 г.

НАЦИ паркĕнче интереслĕ мероприятисем тăтăшах пулаççĕ. Çак кунсенче кăна-ха кунта Кăмпа уявĕ пулса иртрĕ. Мĕн тĕрлĕ кăмпа ỹсмест-ши пирĕн тăрăхра _ хăшĕсем вĕсене палласа та çитереймеççĕ. Вăрман «какайне» кăмăллакансем вара çавах йышлă, «лăпкă сунара» çỹреме кăмăллаççĕ. Уявра тĕрлĕ конкурссем пулса иртрĕç, унта чи маттуррисене палăртрĕç. Кăмпа тапхăрĕ вăраха пымасть _ вăрман çимĕçне вăхăтра илсе хĕл валли хатĕрлесе ĕлкĕрмелле. Çынсем шăпах çапла тăваççĕ те. Кăмпа пуçтарнă вăхăтра вăрман та илемлĕ. Мĕн чухлĕ кăмпа: хура кăрăç, шур кăмпа, тунката кăмпи _ пурне те аса илсе пĕтерейĕн-и вара? Наци паркĕнче те кăмпа «сывлăшĕ» таçтанах сисĕнсе тăчĕ темелле. Уява çынсем чăннипех йышлăн килнĕччĕ. Вĕсем хăйсен карçинккисене тĕрлĕ кăмпасемпе тултарма пултарчĕç. Ку _ хăйне майлă кану. Çакăнпа Чĕмпĕр тăрăхĕнчен килнĕ хăнасем те кăмăллă пулчĕç. Уяв кăмпа шỹрпи çинипе вĕçленчĕ.

С.ЛАРИОНОВА.