Публикации » Район Пухăвĕн депутачĕсен ларăвĕ

25 октября 2016 г.

ОКТЯБРĔН 21-мĕшĕнче район администрацийĕн пысăк залĕнче район Пухăвĕн депутачĕсен черетлĕ тăххăрмĕш ларăвĕ иртнĕ. Ăна Пуху председателĕ _ район пуçлăхĕ Менир Хамдеев ертсе пынă. Лару ĕçне район администрацийĕн пуçлăхĕ Владимир Денисов хутшăннă. Лару кун йĕркине кĕртнĕ çак ыйтусене пăхса тухнă: район Пухăвĕн депутачĕсен ларăвĕн «Шăмăршă районĕн 2016 çулхи бюджечĕ çинчен» йышăнăвне улшăнусем кĕртесси çинчен; Шăмăршă районĕн муниципал пурлăхне 2016 çулта приватизацилемелли прогноз планне (программине) улшăнусем кĕртесси çинчен; Шăмăршă районĕнчи коррупцие хирĕç кĕрешекен Канаш çинчен; полицин Патăрьелĕнчи пайĕн Шăмăршăри уйрăмĕн кăçалхи 9 уйăхри оперативлă ĕçпе служба ĕçĕн шайĕ çинчен. Депутатсем сỹтсе явнă ыйтусем тăрăх тивĕçлĕ йышăну тунă. Лару ĕçне пĕтĕмлетсе тата умри тĕллевсене çивĕчлетсе район администрацийĕн пуçлăхĕ Владимир Денисов сăмах тухса каланă.