01 ноября 2016 г.
ИРТНĔ эрнекун Шăмăршă районĕнче пурăнакансем «Зеленая Россия» экологи акцине хутшăнса кĕрхи субботнике тухрĕç. Предприятипе учрежденисенче ĕçлекенсем, шкул ачисем, кĕреплепе шăпăр тытса, хăйсене шанса панă участоксенче тирпей-илем кỹчĕç. Паллах, «Шăмăршă хыпарĕ» хаçат редакцийĕн сотрудникĕсем те çак мероприятирен пăрăнса юлмарĕç. Редакци çурчĕ йĕри-таврашне кивĕ çулçăсенчен тасатрĕç, çỹп-çапа шăлса пуçтарчĕç. Унсăр пуçне çирĕплетнĕ участокра çỹп-çапран тасатса, ăна машина çине тиесе ячĕç. Çапла тирпейпе, таса урамсемпе кĕтсе илтĕмĕр шурă хĕллене.
Хамăр корр.