18 ноября 2016 г.
НОЯБРĔН 11-мĕшĕнче «Чăваш вăманĕ» наци паркĕнчи «Симĕс пỹлĕмре» черетлĕ тĕлпулу иртрĕ. «Çутçанталăк экологийĕнчен _ чун экологине» семинара РОО, районти тĕп библиотека ĕçченĕсем тата шкулти библиотекарьсем хутшăнчĕç.
Хăнасем визит-центр экспозицийĕсене курса çỹрерĕç, наци паркĕнче иртекен экологи мероприятийĕсемпе паллашрĕç, ачасене экологи тĕлĕшĕпе вĕрентес хатĕрсене пăхса тухрĕç.
Çавăн пекех семинарта шкулти библиотекăсене экологи литературипе пуянлатас ыйтăва та пăхса тухрĕç. Вĕренекенсене çутçанталăка юратма вĕрентесси _ тĕп ыйтусенчен пĕри.
«Чăваш вăрманĕ» наци паркĕн ĕçченĕсем тĕлпулăва хутшăннă библиотекарьсене малашне хăйсен ĕçĕнче усă курма сĕнỹсем пачĕç, методика материалĕсем парнелерĕç.
Çутçанталăка упрасси, тавралăха илем кĕртесси _ кашни çын тивĕçĕ.
Н.ИГНАТЬЕВА.