22 ноября 2016 г.
ИРТНĔ эрнере шахматла выляма юратакансем «Туслăх» Ача-пăча спорт шкулне пуçтарăнчĕç.
Хальхинче район шайĕнчи ăмăртăва Шăмăршă, Карапай Шăмăршă, Пуянкасси тата Васан ял тăрăхĕсенчен килнĕ 16 шахматист хутшăнчĕ. Уйрăмах спорт ветеранĕсем хĕрỹ кĕрешрĕç. Çĕнтерỹçĕ ята Василий Архипов тивĕçрĕ. Иккĕмĕш вырăнта Николай Куприянов, виççĕмĕшĕнче - Николай Поликарпов. Хĕрсем хушшинче чи пултарулли Зоя Тимошкина пулчĕ, Мария Кузьминапа Ангелина Ишмуллина - призерсем. Вĕсем пурте Пуянкассинчи пĕтĕмĕшле пĕлỹ паракан тĕп шкулта вĕренеççĕ, кашни çулах район шайĕнчи тупăшура Дипломсемпе медальсене тивĕçеççĕ. Юлашки çулсенче республикăри шахмат ăмăртăвĕсенче те çитĕнỹсем тăваççĕ. Кунта, паллах, В.Бондареев тренерăн тỹпи те пысăк.
Çĕнтерỹçĕсемпе призерсене Хисеп Грамотипе тата призпа наградăларĕç.
В.АНТОНОВ.