06 декабря 2016 г.
ХЫТĂ коммуналлă каяшсене (ТКО ) турттарса тăмалли йĕрке улшăннă май, хальхи вăхăтра пурин те «ПрофЭко» ОООпа килĕшỹ тумалла пулать. Çỹп-çапа турттарса кайнăшăн кашни çыннăн пĕр уйăхра 55 тенкĕ тỹлемелле. 14 çултан кĕçĕнрех ачасемпе пĕрремĕш ушкăнри инвалидсенчен укçа илмеççĕ.
«ПрофЭко» ООО çакна палăртать: йывăç турачĕсемпе курăк, строительство каяшĕ, выльăх-чĕрлĕх тислĕкĕ тата тимĕр-тăмăр коммуналлă каяшсен шутне кĕмеççĕ. Вĕсене турттарнăшăн «ПрофЭко» ОООна укçа уйрăммăн тỹлемелле.
Шăмăршăра çỹп-çапа унчченхи графикпех турттарса тăрĕç. Халлĕхе çỹп-çапа миххе пуçтармалла, малашне кашни урамрах коммуналлă каяшсене хумалли ятарлă вырăн пулĕ.
«ПрофЭко» ОООпа килĕшỹ тума Шăмăршă ял тăрăхĕн администрацине çак кунсенчех пыма тăрăшăр. Килĕшỹ туманнисен çỹп-çапне турттарса тăмаççĕ, енчен те вĕсем тавралăха варалаççĕ пулсан пысăк штраф тỹлеттереççĕ.
Н.ДМИТРИЕВ, Шăмăршă ялĕ тăрăхĕн пуçлăхĕ.