09 декабря 2016 г.
ЫРĂ йăлана малалла тăсса, "Шăмăршă хыпарĕ" хаçат редакцийĕ кăçал та çулталăкри чи паллă çынна палăртас тĕлĕшпе конкурс ирттерет. Редакци вулакансене çак кандидатсенчен пĕрне суйласа илме сĕнет:
1. Валерий СИМУРЗИН, Çĕнĕ Чукал ялĕнчи фермер.
2. Юрий ЕРМОЛАЕВ, Карапай Шăмăршăри вăтам шкул директорĕ.
3. Хамит ГАЙФУЛЛИН, Шăмăршăри тĕп больницăри шăл тухтăрĕ.
4. Елена ВОРОНЦОВА, юрăç, Шăмăршă ялĕ.
5. Леонид НЯНИН, Анат Чаткасри тĕп шкул учителĕ, Шăмăршăри ипподромра вырнаçтарнă çил арманне ăсталаканĕ.
6. Алина ЛАРШНИКОВА, "Шăмăршă хыпарĕ" хаçатăн тĕп редакторĕ, "Районти чи çамрăк предприяти (учреждени) ертỹçи" ята çĕнсе илнĕскер.
Хăвăр суйласа илнĕ кандидат çинчен редакцие декабрĕн 20-мĕшĕччен çырупа е 2-33-51 е 2-33-52 телефонпа шăнкăравласа, е www.shem.press.cap.ru электрон почтипе пĕлтерме пултаратăр.
Конкурса хастар хутшăнар, çулталăкри чи паллă çынна пĕрле палăртар, хаклă вулаканăмăрсем!