13 января 2017 г.
ЯНВАРĔН 12-мĕшĕнче «Чăваш вăрманĕ» наци паркĕнче чаплă лару-тăрура Раççейри Экологи çулне уçнă.
Çак уява район администрацийĕн пуçлăхĕ Владимир Денисов, Чăваш Республикин çутçанталăк ресурсĕсемпе экологи министрĕ Александр Коршунов, Пĕтĕм Раççейри «Вырăс географи обществи» обществăлла организаци тата «Эковата» ООО представителĕсем хутшăннă.
2017 çула уйрăмах упрамалли çутçанталăк территорийĕсен çулталăкĕ тесе те пĕлтернĕ. Уявра тухса калаçнисем çутçанталăк çĕршывăн пысăк пуянлăхĕ пулнине, ăна куç шăрçине сыхланăпек упрамаллине палăртнă.
Çак кун «Пире Çĕр-анне ахальтен мар шаннине ĕçпе çирĕплетсе парар» экологи марафонĕн участникĕсене те чысланă. Марафонта Шăмăршăри «Сказка» ача сачĕ иккĕмĕш вырăн йышăнни уйрăмах савăнта- рать.
Çĕнтерỹçĕсене Дипломсемпе тата пар- несемпе чысланисĕр пуçне наци паркĕнче тỹлевсĕрех экскрсире пулма ирĕк паракан сертификатсем те панă.
Н.ИГНАТЬЕВА.