Публикации » Хисеплени - ĕçре вăй парать

04 апреля 2017 г.

Çак кунсенче Кивĕ Шăмăршă ялĕнче пурăнакан Герман Ларшникова Чăваш таврапĕлỹçисен Союзĕ тĕнчипех паллă востоковедăн, Н.Я. Бичурин ячĕпе хисепленсе тăракан «Краеведени ĕçĕнче пысăк çитĕнỹсем тунăшăн» орден парса чыс тунă. 2013 çулта вара Васанти халăх краеведени музейĕн ертỹçи Чăваш халăх наукăпа искусствă академийĕ тата краеведсен Союзĕ çирĕплетнĕ чăвашсен чи пирвайхи «Хыпар» хаçатне йĕркелекенĕн, паллă историкпе этнографăн Н.В. Никольскийĕн орденне те илме тивĕç пулнăччĕ. Хальхи вăхăтра Г. Ларшников районти ытти паллă краеведсемпе пĕрле Шăмăршă районĕн Энциклопедине пухса хатĕрлес, районти историпе, этнографи тата краеведени музейне йĕркелесе ярас тĕлĕшпе тăрăшса вăй хурать. Çак ĕçсене пирĕн район 90 çул тултарнă тĕле вĕçлеме палăртнă.