Публикации » Сигарет туртнипе 280 пин ытла çын вилнĕ

07 апреля 2017 г.

2015 ÇУЛТА пирус-сигарет туртнипе çыхăннă йывăр чирсене пула Раççейри 283 пине яхăн çын пурнăçран уйрăлса кайнă. Кун пирки ТАСС The Lancet журналта пичетленнĕ Тĕпчев ĕçĕпе никĕсленсе пĕлтернĕ. 2016 çулхи кăтартусем хальлĕхе паллă мар-ха, анчах та çĕршывра туртакансен йышĕ нумай чакманни вăрттăнлăх мар. «Пирус-сигарет туртни вилĕм патне илсе пырать!» - асăрхаттараççĕ ученăйсем. Пĕтĕм тĕнчери сывлăха сыхлакан организаци (ВОЗ) пĕлтернĕ тăрăх, пирус-сигарет туртнипе çыхăннă йывăр чирсене пула тĕнчере кашни 8 çеккунтра пĕр çын вилет, çулталăкра вара çак сăлтавпа 5 миллион çын пурнăçран вăхăтсăр уйрăлса каять. Енчен те лару-тăру лайăхланмасан, 2020 çул тĕлне çулталăкра 10 миллион çын вилме пултарать.

(Regnum).