14 апреля 2017 г.
ЫРĂ йăлана малалла тăсса, кĕçнерникун район центрĕнчи тĕрлĕ организаципе учрежденире ĕçлекенсем пĕр çын пек кар тăрса тавралăха тирпей-илем кĕртме тухрĕç.
Шăмăршă урамĕсем куç умĕнчех тасалса тирпейленчĕç, хĕл каçа пуçтарăннă çỹп-çапа свалкăна тиесе ăсатрĕç. Пĕр коллектива ырласа теприне хурлама май çук - пурте хастар ĕçлерĕç.
Ку - пысăк ĕçĕн пуçламăшĕ кăна-ха. Тирпей-илем субботникĕсем тата та пулĕç, тăван район 90 çул тултарнине чи ырă кăмăл-туйăмпа кĕтсе илесчĕ. Субботнике ватти-вĕтти таранах хутшăнсан питех те аван пулĕччĕ.
Район центрне çеç мар, ялсене те тирпейлемелле. Такамшăн мар, хамăршăн ĕçлетпĕр вĕт-ха, тăванăмăрсем!
В.ДАВЫДОВ, район администрацийĕн ялхуçалăхĕпе экологи пайĕн тĕп специалисчĕ.