18 апреля 2017 г.
ТĔП çар округĕн штабĕ çирĕплетнĕ нормăпа 2017 çулхи çуркуннехи призыв вăхăтĕнче Чăваш Республикин 1334 çамрăка Раççей Федерацийĕн Хĕçпăшаллă Вăйĕсен тĕрлĕ çарне ăсатмалла. Хĕвеланăç çар округне - 639 (51 процент), Кăнтăр çар округне - 75 (6 процент), Тĕп çар округне - 179 (14 процент), Хĕвелтухăç çар округне 169 çын каясси паллă. Типçĕр çарĕсене - 962, Тинĕс-çар флотне - 65, Сывлăш-космос çарĕсене - 11, Стратеги тĕллевĕллĕ ракета çарĕсене - 62, Сывлăш-десант çарĕсене 10 çын яма палăртнă. Кăçалтан Сывлăш-десант çарĕсен ретне ДОСААФра вĕренсе парашютист-стрелок специальноçне алла илнĕ çамрăксене çеç илеççĕ. 2017 çулхи январь уйăхĕнчен пуçласа вăтам професси пĕлĕвĕ паракан заведенисенче ăс пухакан граждансен те вĕренсе пĕтериччен салтакран юлма ирĕк пур.