21 апреля 2017 г.
Пĕтĕм тĕнчери вĕрентỹ ассоциацийĕ тата статистика институчĕ икĕ çулта пĕрре конкурс ирттереççĕ.
Пирĕн республикăра ăна патшалăх статистика службипе Чăваш Республикин Вĕрентỹпе çамрăксен политикин министерстви йĕркелеççĕ. Унăн тĕп тĕллевĕ – шкул ачисен статистика пĕлĕвĕн шайне палăртасси тата вĕсем хăйсен шухăшĕсене уçса пама пултарнине кăтартасси.
Кăçалхи конкурс икĕ тапхăрпа иртнĕ. Малтанхинче вĕренекенсем «Статистика çинчен эпĕ мĕн пĕлетĕп?» темăпа мини-сочиненисем çырнă, тепринче статистика постерĕсем хатĕрленĕ. Конкурса 80 ытла мини-сочинени тăратнă. Унта Йĕпреç, Канаш, Сĕнтĕрвăрри, Çĕмĕрле, Шупашкар, Тăвай тата пирĕн район вĕренекенĕсем хутшăннă.
Иккĕмĕш тапхăрта икĕ-виçĕ ачаран тăракан ушкăнсем тăратнă 9 ĕçе пăхса тухнă. Хальхинче карапайшăмăршăсем лайăхпа палăрнă, иккĕмĕш вырăн йышăннă. «Çĕнĕ тапхăрти АПК аталанăвĕ» постера Людмила Сабаева ертсе пынипе Артем Денисов, Александр Лукьянов тата Дария Макарова хатĕрленĕ.
С.НИЗАМОВА.