07 июля 2017 г.
1917 ÇУЛХИ Октябрьти социализмла революцие тунăранпа кăçал 100 çул пулать. Çак паллă куна хатĕрленсе мероприятисем ирттересси çинчен Раççей Президенчĕ Владимир Путин 2016 çулхи декабрĕн 19-мĕшĕнчи Указĕнче çирĕплетнĕ.
Указпа килĕшỹллĕн Шăмăршă районĕнче те тĕрлĕрен мероприятисем: уяв митингĕсемпе пухусем, выставкăсем, спорт ăмăртăвĕ сем, тĕлпулусем, диспутсем, çавра сĕтелсем, турист çулçỹ ревĕсем, районти ялсенче авточупусем ирттерме тата йывăçсем лартма палăртнă.
Çак кунсенче Васанти историпе краеведени халăх музейĕн ертỹçи Герман Ларшников Кивĕ Шăмăршăра пурăнакан хастарсемпе маттурсене экскурси çулçỹревне илсе тухрĕ. Вĕсем кỹршĕллĕ Тутарстан республикинчи Пăва хулинче пулса нумай илемлĕ вырăнпа паллашрĕç.
Уйрăмах кившăмăршăсене Пăва хулинчи тĕп краеведени музейĕ çав тери килĕшрĕ. Революциччен Шăмăршă районĕ Пăва уездне кĕнĕ пирки пирĕн районта çуралса ỹснĕ паллă çынсем музей стенчĕсем çинче пысăк пĕлтерĕшлĕ вырăн йышăнаççĕ. Эпир хамăр ентешсемпе - Вырăс Чукалĕнче çуралса ỹснĕ И.К. Скрипинпа, Никишино ялĕнче кун çути курнă И.С. Космовскийпе, Кивĕ Чукалти Е.К. Карзановпа - чăн-чăнах мухтанма пултаратпăр.
Эскурси хыççăн Кивĕ Шăмăршă делегацийĕ музей ĕçченĕсене интереслĕ калаçушăн ăшшăн тав турĕ, В. Максимов çырнă «Путин в Шемурше» кĕнекене парнелерĕ. Çавăн пекех ялти туристсене хула паркĕ питĕ килĕшрĕ. Чаплă çулçỹревшĕн кившăмăршăсем ял тăрăхĕн депутатне Г. Ларшникова чĕререн тав тăваççĕ.
Н.ИЛЬИНА.