11 июля 2017 г.
Июлĕн 8-мĕшĕнче Шупашкарта «Шелковый путь» халăхсем хушшинчи авторалли спорт ăмăртăвне савăнăçлă лару-тăрура уçнă çĕре Чăваш Ен Пуçлăхĕ Михаил Игнатьев хутшăннă, спортсменсене ăшшăн саламланă.
«Шелковый путь» авторалли Мускавра июнĕн 7-мĕшĕнче пуçланнă. Тĕнчери чи паллă пилотсем, штурмансем 9 599 çухрăма çулçỹреве тухнă. Çак проект ертỹçи - Владимир Чагин. Икĕ эрне хушшинче вĕсем 14 хулана çитсе курма, Тянь-Шань сăрт-тăвĕ урлă каçса Гоби пуш хирĕ таранах çитме палăртнă.
Чăваш Енре çак ăмăртăва питĕ çỹллĕ шайра йĕркеленипе авторалли спорт ăмăртăвне хутшăнакансем питĕ кăмăллă юлнă.