11 июля 2017 г.
НУМАЙ ачаллă çемьесене çĕр лаптăкĕ уйăрса памалли çинчен калакан саккун пурнăçланма тытăннăранпа кăçал çичĕ çул çитрĕ.
Чăваш Республикин юстиципе пурлăх хутшăнăвĕсен министерствин пресс-служби пĕлтернĕ тăрăх - паянхи кун тĕлне патшалăх пулăшăвне илес тĕллевпе 10379 çемье учета тăнă. Вырăнти администрацисене заявка панă май вĕсем çĕрпе епле усă курассине палăртма тивĕç. Çỹлерех асăннă çемьесен 70 проценчĕ кил-çурт хăпартма шухăшлать.
Хальхи вăхăтра 5821 çемье ятарлă сертификата тивĕçнĕ, вĕсенчен 536-шĕ кăçал илнĕ. Уйăрса панă çĕр лаптăкĕ сем çинче 34 çемье çурт çĕкленĕ, 184 çемье строительство ĕçĕсене пуçăннă, 324-шне çурт тумашкăн ирĕк панă. Саккунпа килĕшỹллĕн çак çĕр çинче вĕсен пурăнмалли çурт лартма, килти хуçалăх йĕркелеме тата пахча çимĕç çитĕнтерме ирĕк пур.