25 августа 2017 г.
ИРТНĔ ытларикун Шупашкарти Я.Ухсай ячĕллĕ Культура керменĕнче учительсен августри канашлăвĕ пулса иртнĕ.
Унăн ĕçне Чăваш Республикин Министрсен Кабинечĕн Председателĕн çумĕ - финанс министрĕ Светлана Енилина, Чăваш Республикин вĕренỹ тата çамрăксен политикин министрĕ Юрий Исаев, РФ Патшалăх Думин депутачĕ Леонид Черкесов, Мари Эл Республикин вĕренỹ тата наука министрĕ Наталья Адамова, «Рыбаков Фонд» вице-президенчĕ Нурлан Киясов хутшăннă.
Конференцин пленарлă ларăвĕ дискусси мелĕпе иртнĕ, ăна Патшалăх управленийĕн аслă шкулĕн профессорĕ Татьяна Абанкина ертсе пынă, республикăри учительсем ачасене вĕрентсе воспитани парас ĕçре пысăк тỹпе хывнине палăртнă. Юрий Исаев вара инноваци ыйтăвĕ сем çинче чарăнса тăнă. «Кашни пысăк муниципалитетрах цифра шкулĕ сем пулмалла, - тенĕ вăл. - Ку енĕпе республикăра малашне ятарлă пилĕк центр йĕркелеме палăртнă».
Канашлăва хутшăннисене Светлана Енилина Чăваш Республикин Пуçлăхĕн Михаил Игнатьевăн саламне вуласа панă. Çавăн пекех педагогсене çĕнĕ вĕренỹ çулĕ çывхарса çитнĕ май Леонид Черкесов саламланă.