15 сентября 2017 г.
СЕНТЯБРĔН 11-мĕшĕнче Карапай Шăмăршăри вăтам шкулта районти вĕренекенсен ĕç бригадисен фестивалĕ иртрĕ. Унта 6 шкулти ĕç бригадисем пуçтарăннă.
Командăсем тĕрлĕрен конкурссенче ăмăртрĕç. Жюри Палтиелĕнчи вăтам шкул командине çĕнтерỹçĕ тесе йышăнчĕ. Карапай Шăмăршă, Пăчăрлă Пашьел тата Анат Чаткас шкулĕсен командисем те хастарлăхпа палăрчĕç. Чи лайăххисене Грамотăсемпе чысларĕç.
Çу хута тăрăшса ĕçленине пахчаçимĕç выставки пуян пулни те çирĕплетет. «Ĕçчен ачасем, вĕсем чăн-чăн çын пулса çитĕнесси халех паллă», - терĕç выставкăна курма килнисем.
Г.ИЗМАЙЛОВА.