13 октября 2017 г.
ОКТЯБРĔН 11-мĕшĕнче Шăмăршăри вăтам шкулта Чăваш ялхуçалăх академийĕн информаципе консультаци бригади хăнара пулчĕ. Студентсем районти шкулсенчи 11 класра вĕренекенсемпе курса калаçрĕç.
Тĕлпулу тĕллевĕ - çамрăксене аграри профессийĕсене юратма хавхалантарасси, ялхуçалăхĕпе яла аталантарма патшалăх йышăнакан мерăсем çинчен ăлантарса парасси.
Студентсем ялхуçалăх академийĕн ĕçĕ-хĕлĕпе, наукăри, культурăри, спортри çитĕнỹсемпе паллаштарчĕç. Çамрăксене хăйсем патне вĕренме килме чĕнсе каларĕç.