05 декабря 2017 г.
Çак кунсенче Шăмăршăри «Сказка» ача садĕнче шкул çулне çитмен ачасемпе ĕçлекен воспитательсем Экологи çулне халалланă район шайĕнчи фестивале пуçтарăнчĕç. Унта педагогсем çутçанталăка упрассипе çыхăннă çĕнĕлле йĕркеленĕ вĕрентỹ занятийĕсем кăтартрĕç. Фестиваль хăнисем пуян опытлă А.Семенова («Сказка» ача сачĕ), О.Абанникова («Ромашка» ача сачĕ) воспитательсен ĕçре усă курмалли сĕнĕвĕсене те тимлесе итлерĕç.
Педагогика çĕнĕлĕхĕсен уявĕ хастар педагогсене Дипломпа чысланипе вĕçленчĕ. Фестиваль лауреачĕ ята М.Ефимова (Пуянкасси), Л.Петькова (Карапай Шăмăршă),С.Титова (Шăмăршă), Л.Урмаева (Васан) тивĕçрĕç.
Е.КУДРЯШОВА.