15 декабря 2017 г.
РАÇÇЕЙ ФЕДЕРАЦИЙĔН Конституцийĕн кунĕнче район администрацийĕн ЗАГС пайĕнче чаплă уяв пулса иртрĕ. Çак кун 14 çул тултарнă çамрăксемшĕн асра юлмалли кун пулчĕ. Вĕсене Раççей Федерацийĕн миграци службин управленийĕн Чăваш Республикинчи Шăмăршă территори пунктчĕн тĕп специалисчĕ В.Калашникова чаплă лару-тăрура паспорт - пурнăçри чи пысăк пĕлтерĕшлĕ документ - пачĕ, ăшшăн саламларĕ.
Паспорта тивĕçекен яшсемпе хĕрсене: Е. Ямщикована, А. Семенована, Н. Китайцева, М. Федотована, Е. Елисеевана, И. Саландаева тата П. Сергеева паспорт илнĕ ятпа çавăн пекех полицин районти уйрăмĕн начальникĕн тивĕçĕсене вăхăтлăх пурнăçлакан Н.Тепитов чĕререн саламларĕ, вĕсем Раççейĕн тивĕçлĕ гражданĕсем пуласса шанни çинчен пĕлтерчĕ.
Çавăн пекех уяв кунĕнче çамрăксене ашшĕ-амăшĕ тата çывăх тăванĕсем Тăван çĕршыв умĕнчи тивĕçсене чыслăн пурнăçлама ырлăх-сывлăх, ăнăçу сунчĕç.
Т.МАТВЕЕВА, район администрацийĕн ЗАГС пайĕн пуçлăхĕ.