01 апреля 2008 г.
ÇАК КУНСЕНЧЕ чăвашсене çутта кăларнă И.Я.Яковлев çуралнăранпа 160 çул çитнине халалласа «Туслăх хĕлхемĕ» наци культурин фестивалĕн шайĕнче районти наци шкулĕсенче вĕренекенсен мультимеди презентацийĕн конкурсĕ пулса иртрĕ. 14 вĕренекен хутшăнчĕ унта, пурте – чăваш шкулĕсенче ăс пухакансем.
Ачасем И.Я.Яковлев пултарулăхĕ çинчен презентацисем хатĕрленĕ, вĕсем патриархăмăрăн вĕренекенĕсемпе ун ĕçне малалла тăсаканĕсем пирки каласа кăтартрĕç. Çак конкурса Шăмăршăри пĕтĕмĕшле вăтам пĕлÿ паракан шкулти Ирина Яковлева (наука руководителĕ И.Ухваркина) пĕрремĕш вырăн йышăнчĕ. Пăчăрлă Пашьелĕнчи Ольгăпа Людмила Уськинасем (руководителĕ Г.Уськина) – иккĕмĕш, Пуянкасси шкулĕнчи Лидия Угарина (ертÿçи Л.Краснова) тата Пăчăрлă Пашьелĕнчи Марина Улюкина (Г.Уськина) виççĕмĕш вырăнсене йышăнма пултарчĕç. Çĕнтерÿçĕсен ĕçĕсем республикăри конкурса хутшăнĕç.
Источник: "Шăмăршă хыпарĕ"