05 апреля 2008 г.
МАРТĂН 30-мĕшĕнче Шăмăршăра ял поселенийĕсенчи арçынсемпе хĕрарăмсен командисем волейболла выляса районта мала тухассишĕн ăмăрту ирттернĕ. Хĕрарăмсен командисем хушшинче Васан ял поселенийĕн «Пучах» команди – пĕрремĕш, Шăмăршă вăтам шкулĕнчи учительсен команди – иккĕмĕш, районти тĕп больницăра ĕçлекенсен команди виççĕмĕш вырăнсене йышăннă.
Арçынсем вара малти виçĕ вырăна çапла пайланă: пĕрремĕш вырăнта – «Карлинская» Агрофирма» ЗАО команди, иккĕмĕшĕ – Шăмăршă ял поселенийĕн «Центр» команди, виççĕмĕшĕ – Васан ял поселенийĕн «Пучах» команди.