09 апреля 2008 г.
ШĂМĂРШĂРИ Ленин урамĕнчи виçĕ хутлă, 30 хваттерлĕ çуртра юлашки ĕçсем пыраççĕ: çивитти витесси вĕçленет, кунта чÿречесемпе алăксен блокĕсене вырнаçтарнă, халĕ газ кĕртес тĕллевпе монтаж ĕçĕсем пуçланнă. Унччен маларах çак урамрах виçĕ хутлă, 15 хваттерлĕ (пурăнмалли лаптăкĕ 789 тăваткал метр) çурт хута кайнăччĕ.
Кĕçех Шăмăршăра, Шоссейная урамра, тепĕр çĕнĕ çурт ÿссе ларĕ. Вăл та виçĕ хутлă пулĕ. Çакă 12 çемьен хваттер ыйтăвне татса пама пулăшĕ. Пулас çуртăн никĕсне хывма пуçăннă та ĕнтĕ.