09 апреля 2008 г.
«АПК АТАЛАНĂВĔ» наци проектне пурнăçа кĕртсе выльăх-чĕрлĕх ĕрчетес отрасле аталантарассине хăвăртлатас тĕллевпе кăçал районти сакăр хуçалăх – «Мир», «Нива», «Агрофирма «Карлинская» ЗАОсем, «Искра» тата «Восход» СХПКсем, «Агродор» ООО, «Бездна» КФХ сакăр çуллăха 61,9 миллион тенкĕлĕх кредит илнĕ. Çак укçаран 45 пин тенкипе выльăх-чĕрлĕх фермисене реконструкцилеме тата çĕнĕрен тума, 12 миллион та 15 пин тенкипе ăратлă выльăхсем туянма, 9,3 миллион тенкипе асăннă отрасль валли тата выльăх апачĕ хатĕрлеме ятарлă техникăпа оборудовани илме усă курма палăртнă.
Çавăн пекех, Чăваш Республикин Министрсен Кабинечĕн йышăнăвĕпе килĕшÿллĕн те агропромышленность комплексне аталантарма республика бюджетĕнчен укçа-тенкĕ уйăрнă. Пирĕн района панă лимитсем çапларах: 2280,0 пин тенкĕ – выльăх-чĕрлĕх отрасльне аталантарма, 1170 пин тенкĕ – элита вăрлăхсем хатĕрлеме, 849,0 пин тенкĕ – минераллă удобренисем, 1128,0 пин тенкĕ – ял хуçалăх культурисене хÿтĕлемелли хатĕрсем туянма.