14 мая 2008 г.
ТĂВАН çĕршывăн Аслă вăрçин çулĕсенче паттăрлăх кăтартнăшăн тата Çĕнтерÿ 63 çул тултарнă ятпа Карапай Шăмăршăра пурăнакан В.Л.Петькова Пĕтĕм Раççейри «Общественное признание» форумăн Дипломĕпе тата знакĕпе наградăланă.
Василий Леонтьевич Сталинграда тăшманран хÿтĕленĕ, Курскпа Орел пĕккинчи хаяр çапăçусене хутшăннă. Тăван çĕршыв ăна икĕ орденпа тата медальсемпе чысланă.
Пысăк награда илнĕ ятпа ветерана район администрацийĕ хĕрÿллĕн саламлать, çирĕп сывлăх, вăрăм ĕмĕр сунать.