Публикации » Ăмăртусем иртеççĕ

Çак ăмăртăва шкул ачисен 26-мĕш Спартакиадин программине пăхăнса йĕркеленĕ. Тĕллевĕ паллă: кире пукан йăтассине районта аталантарасси, çак спортпа интересленекенсен хушшинче республика шайĕнче хутшăнма пултаракан спортсменсене тупса палăртасси тата сывă пурнăç йĕркине пропагандăласси. Çивĕч кĕрешÿре пĕрремĕш вырăна Шăмăршă шкулĕнче вĕренекенсен команди çĕнсе илчĕ. Иккĕмĕш вырăнта – палтиелсем, виççĕмĕшсем – пашьелсем пулчĕç. Кунта уйрăмах Шăмăршă шкулĕнче вĕренекен Иван Афанасьевпа (9 класс) Ксения Алюковăна (11 класс) палăртса хăвармалла. Вĕсем хăйсен виçинче пĕрремĕш вырăн йышăнса абсолютлă чемпионсем пулса тăчĕç. Спортра малашне те çитĕнÿсем сунатпăр сире, çамрăк паттăрсем!

Г.Николаева.