Публикации » Канашра та малта

Пирĕн район командине Палтиелпе Шăмăршă вăтам шкулĕсенче ăсталăха туптакан çамрăк спортсменсенчен йĕркеленĕ. Çакна палăртма кăмăллă: шăмăршăсем кашни тĕл пулăвах çĕнтерÿпе вĕçленĕ, 2013–2014 çулсенчи сезонăн 1.8 финалне тухма пултарнă. Çамрăк спортсменсене ăнăçупа Чăваш Республикин баскетбол федерацийĕн президенчĕ С.Худеев саламланă, спорт костюмĕсен пуххисемпе мечĕксем парнеленĕ. Çак чыса Марина Сорокина, Наталья Данилова, Ангелина Антонова, Анна Тимофеева, Екатерина Петрова (Палтиел вăтам шкулĕ) тата Дарья Семенова, Роксана Кузьмина, Вера Удина, Анна Ельцова (Шăмăршă вăтам шкулĕ) тивĕçнĕ. Командăна ăмăртусем валли Светлана Сорокина тренер хатĕр-ленĕ.

Б.ВАСИЛЬЕВ.