Публикации » Савăнăçлă пухăва хутшăннă

23 апреля 2014 г.

 Апрелĕн 18-мĕшĕнче Чăваш Енре Вырăнти хăйтытăмлăх органĕсен кунне паллă тунă. Савăнăçлă пуху ĕçне Чăваш Республикин Президенчĕ Михаил Игнатьев, Патшалăх Канашĕн Председателĕ Юрий Попов, Пĕтĕм Раççейри "Единая Россия" политика партийĕн Чăваш регионĕнчи уйрăмĕн секретарĕ, Чăваш Республикин Патшалăх Канашĕн патшалăх строительстви, вырăнти хăйтытăмлăх, регламент тата депутат этики енĕпе ĕçлекен Комитечĕн председателĕ Николай Малов хутшăннă. Чăваш патшалăх драма театрĕн залне вырăнти хăйтытăмлăх органĕсенче вăй хуракансем йышлăн пуçтарăннă. Шăмăршăсен делегацине район администрацийĕн пуçлăхĕ Валерий Фадеев ертсе пынă. Чăваш Республикин Пуçлăхĕ Михаил Игнатьев муниципалитет ĕçченĕсене наградăсем панă. Вырăнти хăйтытăмлăха аталантарас ĕçе пысăк тỹпе хывнăшăн Пуянкасси ял тăрăхĕн пуçлăхне Аркадий Кузьмина Тав çырăвĕпе тата сехетпе чысланă. Район администрацийĕн экономика пайĕн пуçлăхне Эльвира Жамкована Чăваш Республикин Патшалăх Канашĕн Хисеп Грамотипе наградăланă.