Публикации » Ĕç вырăнĕсене хаклаççĕ

26 апреля 2014 г.

Кăçал федерацин "Ĕç условийĕсене ятарлă хак парасси çинчен" саккун вăя кĕчĕ. Çак документпа килĕшỹллĕн, "ĕç вырăнĕсене аттестацилесси" ăнлав вырăнне "ĕç условийĕсене ятарлă хак парасси" тĕп вырăнта. Ăна ĕçпе тивĕçтерекенсен пурнăçа кĕртмелле. Унсăр пуçне ытти саккунсене те улшăнусем кĕртнĕ. Сăмахран, ĕç условийĕсене ятарласа хакламаншăн административлă штраф виçине ỹстернĕ, производствăра инкек пулнăшăн айăплисене уголовнăй майпа çирĕпрех айăплаççĕ. Тивĕçлĕ саккунсен нормисемпе килĕшỹллĕн тата ятарлă йĕркепе ирттернĕ ĕç вырăнĕсене хаклани хăрушсăрлăха çирĕплетет, ĕçлекенсене лайăх ĕçлеме, çавăн пекех тĕрĕслев органĕсен штрафĕсенчен хăтарать.