Публикации » Михаил Меньпе тĕл пулнă

28 июня 2014 г.

 Чăваш Республикин Пуçлăхĕ Михаил Игнатьев Мускавра Раççей Федерацийĕн строительствăпа пурăнмалли çурт-йĕр хуçалăхĕн министрĕпе Михаил Меньпе тĕл пулнă. Тĕл пулура Чăваш Енри строительство комплексĕн пилĕк уйăхри пĕтĕмлетĕвĕсем çинчен сăмах пынă. Çакна палăртнă: республика çĕр-шыври "Раççей çемьи валли çурт-йĕр" патшалăх программине регионсем хушшинче чи малтан хутшăннисенчен пĕри. Асăннă программăпа килĕшỹллĕн республикăра 2017 çул тĕлне 210 пин тăваткал метр эконом-класлă çурт-йĕр хута каймалла. Тĕл пулура Тăван çĕр-шывăн Аслă вăрçин ветеранĕсене пурăнмалли çурт-йĕрпе тивĕçтерес, Чăваш Енре 2011-2017 çулсенчи "Таса шыв" федераллă тĕллевлĕ программăна пурнăçа кĕртес ыйтусене те сỹтсе явнă. Сăмах май, "Таса шыв" программăна пурнăçлама республикăна федераци бюджетĕнчен 945,6 миллион тенкĕ килсе çитнĕ.