Публикации » Вут-кăвар тухасран асăрханăр!

12 июля 2014 г.

Карапай-Шăмăршă ял тăрăхĕн территорийĕнче кăçал килти хуçалăхра вут-кăвар тухнă тĕслĕхсем пулчĕç, пин-пин тенкĕлĕх пурлăх çунса кĕлленнĕ. Инкек сăлтавĕ - çынсен тимсĕрлĕхĕнче. Çу кунĕсенче пушар тухасран уйрăмах асăрхануллă пулмалла. Çакна шута илсе, районти пушар надзорĕн уйрăмĕн сотрудникĕсем тата ял тăрăхĕн специалисчĕсем халăхпа тĕл пулса калаçрĕç. Пĕр кун хушшинче 15 хуçалăха çитсе 42 çынпа вут-кăварпа асăрхануллă пулмалли çинчен калаçу ирттерчĕç, 48 памятка валеçсе пачĕç. Рейд вăхăтĕнче нумай ачаллă çемьесем, пĕччен ватăсем тата ĕçкĕпе иртĕхекен çынсем пурăнакан çуртсем çине уйрăмах пысăк тимлĕх уйăрчĕç. 

И.КРЫЛОВА.