Публикации » Вĕренекенсемпе - хăрушсăрлăх урокĕ

03 сентября 2014 г.

Сентябрĕн 1-мĕшĕнче Шăмăршă районĕнчи пушар надзорĕн сотрудникĕсем 42-мĕш пушар чаçĕнче ĕçлекенсемпе пĕрле Шăмăршăри вăтам шкулта пулчĕç. Вĕренекенсене Пĕлỹ кунĕ ячĕпе ăшшăн саламланă хыççăн хăрушсăрлăх урокĕ ирттерчĕç. ОНД пуçлăхĕ А.Кляжев Шăмăршă районĕнче кăçал вут-кăвар тухнă тĕслĕхсем çинчен каласа пачĕ. Чи пăшăрхантараканни, чĕрене ыраттараканни _ Чăваш Енре кăçал пушарта 5 ача вилни. Çавăнпа та вут-кăварпа питĕ те асăрхануллă пулмалла. 42-мĕш пушар чаçĕн пуçлăхĕ А.Фомин вĕренекенсене огнетушительпе тĕрĕс усă курма вĕрентрĕ. Шел пулин те, хăш-пĕр ачасем пушар тухнă тесе суйса та шăнкăравлаççĕ. Ашшĕ-амăшĕн хăйсен ачисене кун пек тума юраманни çинчен хытă асăрхаттарса калаçмалла. 

М.ИЛЬИН.