06 сентября 2014 г.
Чăваш халăхăн паттăр ывăлĕ Андриян Николаев çуралнăранпа 85 çул çитнĕ ятпа Чăваш Енĕн кашни кĕтесĕнчех тĕрлĕ мероприятисем иртеççĕ. Ĕнер вăл çуралнă ялта Шуршăлта уяв митингĕ, Шупашкарти К.В.Иванов ячĕллĕ драмтеатрта савăнăçлă каç иртнĕ. Чăваш Республикин Пуçлăхĕ Михаил Игнатьев чĕннипе, юбилей мероприятийĕсене хутшăнма Мускавран сумлă делегаци килсе çитнĕ. Унăн йышĕнче - "Роскосмос" космос агенствин ертỹçи Олег Остапенко, Чăваш Республикин Раççей Федерацийĕн Президенчĕ çумĕнчи полномочнăй представителĕ Леонид Волков, А.Г.Николаев космонавт хĕрĕ Алена Андрияновна, унăн мăшăрĕ Андрей Родионов, ывăлĕ Андрей, Алексей Леонов, Борис Волынов, Петр Климук, Игорь Волк, Николай Бударин, Муса Манаров, Юрий Батурин, Валерий Токарев, Анатолий Соловьев, Сергей Волков, Роман Романенко летчик-космонавтсем, Раççейри чăвашсен наци культурин автономийĕн вице президенчĕ Анатолий Григорьев, Раççей Федерацийĕн тава тивĕçлĕ артистки Нина Шацкая тата ыттисем.