Публикации » Смотр-конкурс çĕнтерỹçисем

06 сентября 2014 г.

Район администрацийĕн вĕрентỹпе çамрăксен политикин пайĕн 2014 çулхи майăн 22-мĕшĕнчи 85\1 номерлĕ "Шăмăршă районĕнчи вĕрентỹ учрежденийĕсене 2014-2015 çĕнĕ вĕренỹ çулне тивĕçлипе хатĕрлессипе смотр-конкурс ирттересси çинчен" приказне тĕпе хурса, çак кунсенче смотр-конкурс кăтартăвĕсене пĕтĕмлетнĕ. Конкурс комиссийĕ çапла йышăннă: "Чи илемлĕ тата тирпейлĕ шкул" номинацире Пуянкассинчи пĕтĕмĕшле пĕлỹ паракан тĕп шкул тата Карапай Шăмăршăри пĕтĕмĕшле пĕлỹ паракан вăтам шкул; "Чи илемлĕ тата тирпейлĕ ача сачĕ" номинацире Виçпỹрт Шăмăршăри пуçламăш шкул-ача сачĕ; "Предметăн чи лайăх кабинечĕ" номинацире Пăчăрлă Пашьелĕнчи пĕтĕмĕшле пĕлỹ паракан вăтам шкулти химипе биологи кабинечĕ; "Шкул çумĕнчи чи лайăх опытлă участок" номинацире Шăмăршăри пĕтĕмĕшле пĕлỹ паракан вăтам шкул; "Шкул умĕнхи пĕлỹ паракан вĕренỹ учрежденийĕн вылямалли чи лайăх участокĕ" номинацире Патирекри пĕтĕмĕшле пĕлỹ паракан тĕп шкул çĕнтернĕ. Кашни номинаци çĕнтерỹçине Дипломпа тата хаклă призпа чысланă.