Публикации » Воин-интернационалистсене чысларĕç

03 декабря 2014 г.

Афганистан... Тухмастăн асăмран. Афганистан - чĕре çинчи суран. Афганистан... Йĕреççĕ аннесем, Афганистан... Цинкланă тупăксем. (И.САЛАНДАЕВĂН "Афганистан" сăввинчен). Совет çарĕсене Афганистанран илсе тухнăранпа 25 çул çитнĕ май, çĕршывра воин-интернационалистсене ятарласа кăларнă асăну медалĕпе чыслаççĕ. Çак кунсенче пирĕн районтан Афган вăрçине хутшăннисем те хăйсен пухăвне пуçтарăнчĕç. Воин-интернационалистсене район администрацийĕн пуçлăхĕ В.Фадеев тата Чăваш Республикинчи çар комиссариачĕн Патăрьелпе Шăмăршă районĕсенчи уйрăмĕн пуçлăхĕ П.Васюков ăшшăн саламларĕç, ветерансен кăкăрĕсем çине "25 лет вывода Советских войск из Афганистана" медаль çакса ячĕç. Валерий Петрович хăйĕн сăмахĕнче воин-интернационалистсен паттăрлăхĕ паянхи çамрăк ăрушăн чи ырă тĕслĕх пулса тăнине палăртрĕ.

С.ХАФИЗОВ.