06 декабря 2014 г.
Декабрĕн 3-мĕшĕнче пирĕн çĕршывра пĕрремĕш хут Паллă мар салтакăн кунне ирттернĕ. Çак куна чысласа, Шăмăршăри Çĕнтерỹ паркĕнче Тăван çĕршывăн Аслă вăрçинчен таврăнайманнисене асăнса лартнă палăк умне чечек кăшăлĕсем хунă. Асăну церемонине район администрацийĕн, "Единая Россия" партин вырăнти уйрăмĕн тата ĕç коллективĕсен представителĕсем хутшăннă. "Вăрçăран таврăнман салтаксем, Чуп туса та курман каччăсем. Таврăнмарăр, ах, таврăнмарăр, Юратса, савăнса кураймарăр..." - Иван Саландаев çырнă çак сăвă йĕркисем вăрçă мĕн тери хăрушă та тискер пулнине тепĕр хут аса илтереççĕ.
В.ДМИТРИЕВ.