Публикации

23 июля 2014 г.

Кам пĕлмест-ши Шăмăршăра Юрий Михайлович Фролова? Район центрĕнче çеç-и, кашни ялтах паллаççĕ ăна. Нумай çул хушши районти "Сельхозтехника" пĕрлешĕвĕнче, каярахпа ял хуçалăх управленийĕн че вăй хучĕ, хастар ĕçшĕн ăна "Чăваш Республикин тава тивĕçлĕ механизаторĕ" хисеплĕ ят пачĕç.

23 июля 2014 г.

Историн хуть те хăш тапхăрĕнче те çамрăк ăрăва патриотла воспитани парасси пысăк вырăнта тăнă. Патриотизмсăр вăйлă та хăватлă патшалăх туса хума май çук, кашни гражданин хăйĕн тăван çĕр-шыв умĕнчи таса тивĕçне лайăх туйса-пĕлсе тăтăр.

23 июля 2014 г.

"ШĂМĂРШĂ ХЫПАРĔ" хаçатпа эпĕ ĕмĕрĕм тăрăшшĕпех туслă, район хыпарĕсене те ун урлă пĕлсе тăратăп. Хаçатра çемье, воспитани, мораль темисене çĕкленине эпĕ чунтан ырлатăп. Çавăн пек статьясене ял çыннисем те килĕштереççĕ.

23 июля 2014 г.

Пурăнмалли çурт-йĕрпе тата коммуналлă çăмăллăхсемпе усă курнăшăн кашни уйăхрах тỹлемелле. Хăш-пĕр çемьесене вара укçа-тенкĕ çитсе пымасть. Çакна шута илсе, патшалăх вĕсене субсиди уйăрса парать.

23 июля 2014 г.

Çĕрпе мĕнле усă курнине тĕрĕслес тата пушă выртакан çĕр лаптăкĕсене тупса палăртас тĕллевпе, республикăра "халăх инвентаризацийĕ" ирттереççĕ.

23 июля 2014 г.

Район администрацийĕ çумĕнчи çул çитмен çамрăксемпе ĕçлекен тата вĕсен прависене хỹтĕлекен комисси маларах çирĕплетнĕ планпа килĕшỹллĕн ĕçлесе пырать. Кăçалхи пĕрремĕш çур çулта кăна вăл çичĕ лару ирттернĕ, вĕсенче 18 ыйту тата 23 административлă ĕç пăхса тухнă. Кун йĕркинчи ыйтусем тăрăх 13 çынна асăрхаттарса хăварнă, тăххăрăшне 5100 тенкĕлĕх штраф тỹлеттерме йышăннă.

23 июля 2014 г.

Июлĕн 17-18-мĕшĕсенче район комиссийĕ (унта район администрацийĕн вĕренỹпе çамрăксен политикин пайĕн, санэпидемнадзор, пушар надзорĕн специалисчĕсем кĕреççĕ) шкулсемпе шкулчченхи учрежденисене çĕнĕ вĕренỹ çулне хатĕрленине тĕплĕн тĕрĕслесе тухнă.

23 июля 2014 г.

Кăçалхи пĕрремĕш çур çулта районти 412 çемье килти хушма хуçалăха аталантарма патшалăхран пурĕ 98 миллион та 921 пин тенкĕ çăмăллăхлă кредит илнĕ.

23 июля 2014 г.

Çирĕм пĕрремĕш ĕмĕрте пурăннă май, ял хуçалăхĕнче хими препарачĕсемпе, тĕрлĕ йышши удобренисене усă курасси вăй илчĕ. Тĕрĕссипе, вĕсемсĕр кирлĕ чухлĕ тухăç та илеймĕн. Анчах та вĕсемпе пĕлсе те вырăнлă усă курмалла.

19 июля 2014 г.

Çапла, кĕçнерни кун районта вырма ĕçĕсем пуçланчĕç. Пуринчен малтан тыр-пула пуçтарса кĕртме "Мир" ЗАО тухрĕ.

19 июля 2014 г.

Ĕç вакансийĕсен ярмăрккине йĕркелени - ĕçсĕр тăрса юлнисене çĕнĕ ĕç вырăнĕсем тупса памалли лайăх мел. Кăçал кăна халăха ĕçпе тивĕçтерекен центрта çак тĕллевпе тăватă ярмаркка ирттерме палăртнă. Пĕрремĕш çур çулта виççĕшĕ пулса иртнĕ те ĕнтĕ.

19 июля 2014 г.

Пĕлмелли, курмалли чăннипех те нумай. Сахал-им пурнăçра "кăвак хуппи?" Шăпах çакна уçса пама шутланă та ĕнтĕ "Чăваш вăрманĕ" наци паркĕнче. Кунти курав залĕнче çак кунсенче "Тĕнчери лĕпĕшсемпе нăрăсем" выставка ĕçлеме тытăннă.

19 июля 2014 г.

Июль уйăхĕн çурринчен пуçласа сентябрĕн 30-мĕшĕччен Мускаври "Ĕç тăвакан органсене тата йĕркелĕхе сыхлакан тытăмсене информаципе право енчен пулăшакан центр" пуçарнипе Пĕтĕм Раççейри "Ял çамрăкĕсем" конкурс ирттереççĕ.

19 июля 2014 г.

"ЕДИНАЯ РОССИЯ" партин Чăваш регионĕнчи уйрăмĕ "Çирĕп çемье - телейлĕ ачалăх" фото конкурс ирттересси çинчен пĕлтерет.

19 июля 2014 г.

Шăмăршă территори суйлав комиссийĕ çумĕнчи çамрăксен суйлав комиссийĕ (ертỹçи - Сергей Головинский) июлĕн 12-мĕшĕнче Пуянкасси ял тăрăхĕнче ĕçлĕ вăйă-суйлав ирттерчĕ.

19 июля 2014 г.

Паян тăван чĕлхене пĕлнисĕр пуçне пурте тенĕ пекех вырăсла та шăкăл-шăкăл калаçаççĕ. Çакна ырламалла кăна: патшалăх чĕлхине пурин те пĕлмелле, вăл пире аталанма, ăс-тăна пуянлатма пулăшать.

19 июля 2014 г.

Шăмăршăра нумай функциллĕ центр (МФЦ) уçăлнăранпа шăпах çулталăк çитрĕ. Çак тапхăрта пирĕн центра пулăшу ыйтма 1000 ытла çын пычĕ, 169 гражданин консультаци илчĕ. Пулăшу ыйтнисенчен 238-ĕшĕ - федераци, 118-ĕшĕ - республика, 644-ĕшĕ муниципалитет çăмăллăхĕ илес тĕллевпе килнĕ.

19 июля 2014 г.

"Граждансене кивелсе çитнĕ тата авари пулма пултаракан çуртсенчен çĕннисене куçарасси çинчен" республикăн тĕллевлĕ программипе килĕшỹллĕн, пирĕн районта 2013-2017 çулсенче 45 çемьене (98 çынна) çĕнĕ çуртсене куçармалла.

19 июля 2014 г.

Нумай ачаллă çемьесен çĕр-шыври демографи лару-тăрăвне лайăхлатассипе çыхăннă пĕлтерĕшĕ пысăкки каламасăрах паллă. Апла тăк вĕсене лайăх условисемпе тивĕçтерме тăрăшни вырăнлă. Çакна прокуратура органĕсем те куçран вĕçертмеççĕ.

19 июля 2014 г.

Паянхи пурнăçра, укçа-тенкĕ ĕçлесе тăвас тесен, фермерсен тĕрлĕ майсем шырама тивет. Хăшĕсем çĕр улми çитĕнтереççĕ, теприсем сурăх ĕрчетеççĕ, виççĕмĕшсем сĕт нумай антаракан качака ферми йĕркелеççĕ.